Оның айтуынша, бастапқы бухгалтерлік құжаттарды электрондық түрде ресімдеу де енгізілді. Жүйе онлайн режимде 24/7 жұмыс істейді.
«1 тамыздағы жағдай бойынша жүйені пайдаланушылар саны 824 мыңды құрады. 870 млн астам шот-фактура жазылды, тауарларға 46,5 млн ілеспе жүкқұжат ресімделді. Тауарларды қадағалау тізбегін және тауар балансын құру, контрагенттердің өзара байланысын құру, тәуекелдерді басқару жүйесінде онлайн режимінде тауарсыз мәмілелерді анықтау үшін «Электрондық шот-фактуралар» ақпараттық жүйесінің «Ахуалдық орталығы» кіші жүйесі әзірленуде», - деді спикер.