Министр атап өткендей, Президент 2023 жылдан бастап отбасының сандық картасы мен әлеуметтік әмиян енгізу жоспарланып отыр. Осы бастамалар шеңберінде мемлекеттік қолдаудың түрлі шаралары интеграцияланатын болады. Олар түсінікті және ең бастысы – нүктелі және проактивті болады.
"Сонымен қатар, ғылым, денсаулық сақтау, өнеркәсіп, IT саласындағы құнды мамандар үшін мемлекет салық жеңілдіктерін енгізіп, тұруға рұқсат алу құқығымен визалар беретіні атап өтілді", - деп жазды Бағдат Мусин.
Сондай-ақ, министр Жолдауда Әділет жүйесі туралы айтылғанын жазды. Ол қазір сот төрелігін жүзеге асыруда біркелкілікті қамтамасыз етуге арналған сандық талдау құралдары әзірленіп жатқанын айтты.
"Сондай-ақ, Мемлекет басшысы мемлекеттік қолдау шараларын алушыларды анықтау жүйесін автоматтандыруға назар аударды. Қазір біз жүйені мемлекеттік қолдау шараларын алушының тарихы болған кезде қалыптасқан скоринг моделіне негіздеу мүмкіндігін пысықтап жатырмыз", - деп толықтырды министр.
Ауыл шаруашылығы жерлерінің жай-күйі, су ресурстары, ирригациялық жүйелер мен көліктік қолжетімділік туралы барлық бытыраңқы мәліметтер Бірыңғай цифрлық платформада біріктірілетін болады, деп атап өтті Бағдат Мусин.
"Геологиялық ақпараттың бірыңғай деректер банкін құру бойынша жұмысты аяқтаймыз, бұл осы саладағы инвестициялық ахуалды айтарлықтай реттеуге, ашық емес процестерді болдырмауға мүмкіндік береді", - деп қосты спикер.
Ол Жолдауда игерілмеген немесе заңсыз берілген жерлер туралы тақырып жеке қозғалғанын атап өтті. Мұнда оларды қайтару және есеп алмасу бойынша жұмыстар жүргізіледі.
"Әрине, бұл үдерістердің барлығы цифрлық даму министрлігінің көмегімен пысықталатын болады. Жолдауда айтылған бағыттар бойынша біз қазірдің өзінде жұмыс жүргізіп жатырмыз және жаңа міндеттерге дайынбыз", - деп түйіндеді министр Бағдат Мусин.