«Өз өкілеттіктерін іске асыру шеңберінде барлық деңгейдегі қоғамдық кеңестер азаматтардың құқықтарына, бостандықтары мен міндеттеріне қатысты 3000-ға жуық нормативтік құқықтық актілердің жобаларын қарап, шешімдерін жария еткен. Ауыз сумен жабдықтау, санитарлық-эпидемиологиялық жағдайды жақсарту, мемлекеттік қызмет көрсету сапасы және т.б. мәселелер бойынша 300-ден астам қоғамдық тыңдау ұйымдастырылды. Республикалық және жергілікті мемлекеттік органдардың 500-ге жуық басшысының есептері тыңдалды», - деді спикер.
Оның айтуынша, Қоғамдық кеңестер қоғамдық мониторинг түріндегі қоғамдық бақылау нысанын белсенді пайдаланады. Есепті кезеңде халықты толғандыратын неғұрлым өзекті мәселелер бойынша 200 қоғамдық мониторинг жүргізілді.