Бірақ ведомствоның атауына қарамастан, оның қызметінде төтенше жағдайлардың алдын алу және жою бойынша жұмыс ерекше маңызды болып қала береді. Қызметкерлер - өрт сөндірушілер, құтқарушылар, кинологтар, психологтар, дәрігерлер, диспетчерлер, ұшқыштар - ТЖ жояды, өрт сөндіреді, адамдар мен мүлікті құтқарады.
«ТЖ қызметтері жұмыс істеген жылдары ТЖ жою бойынша 1,5 млн-нан астам шығу жасады. Олардың қызметі, кәсібилігі мен жеделдігінің арқасында 400 мыңнан астам адам құтқарылды, ТЖ түрлі аймақтарынан 366 мыңнан астам адам эвакуацияланды, 66 мыңнан астам зардап шеккенге медициналық көмек көрсетілді. 2022 жыл басталғалы Төтенше жағдайларды жою үшін өрт сөндіру қызметі, ТЖМ жедел-құтқару бөлімшелері 61 мыңнан астам шығуды жүзеге асырды, 9 мыңнан астам адам құтқарылды, 10 мыңға жуық адам эвакуацияланды, 3 мыңнан астам азаматқа алғашқы медициналық көмек көрсетілді», - деді генерал.
Осы кезеңде 9 мыңнан астам табиғи және техногендік сипаттағы төтенше жағдайлар мен оқиғалар тіркелді.