«АӨК дамыту жөніндегі ұлттық жобада 2025 жылға қарай су үнемдеу технологияларын қолдана отырып, жер көлемін 265 мың гектардан 450 мың гектарға дейін ұлғайту көзделген. Өнеркәсіпте айналымды немесе қайта сумен жабдықтау көлемін ұлғайту есебінен тұщы су алу көлемі 1,3 км3 қысқартылатын болады. Сондай-ақ, суды үнемдеу үшін су үнемдеу технологияларын енгізуді ынталандыратын тарифтерді белгілеу қажеттілігіне баса назар аударылады. Тариф экономикалық құндылықты көрсетіп, оны ұтымды пайдалануға ынталандыруы тиіс», - деп түсіндірді Серікқали Брекешев.
2025 жылға қарай аталған іс-шараларды іске асыру қосымша 7 км3 сумен қамтамасыз етуге мүмкіндік береді деп күтілуде.