Өте жақсы атқарып шықты. Бүгін халықаралық байқаушыларға қолғабыс көрсету орталығында өткен брифинг барысында ШЫҰ Өңірлік терроризмге қарсы құрылымы Атқарушы комитеті директорының орынбасары Артур Голованов Қазақстанның құқық қорғау органдарының табысты жұмысын атап өтті.
«Шанхай ынтымақтастық ұйымы құрамындағы терроризмге қарсы құрылымның өкілі ретінде халқының ерік-жігерін білдіру үшін қауіпсіздікті, бейбіт және тыныш жағдайларды қамтамасыз еткен Қазақстан Республикасының қауіпсіздік күштері, құқық қорғау құрылымдары жүргізген өте үйлесімді, ауқымды жұмысты атап өткім келеді. Терроризмге қарсы күрес – көзге көрінбейтін жұмыс. Біз оны құқық қорғау органдары жеңіліп қалғанға дейін байқамаймыз, сезбейміз. Ал қазіргі жағдайда Қазақстанның құқықтық тәртіп органдары өз борышын ең жоғары деңгейде атқарды. Терроризм күштері сайлау қарсаңында және барысында жағдайды тұрақсыздандыру бойынша шаралар ұйымдастыруға дайындалғаны туралы ақпарат бізде болды, бірақ олардың бәрі тоқтатылды, арандатушылық әрекеттерге жол берілмеді. Кінәлі адамдар ұсталып, заң бойынша жауапқа тартылады. Бұл жағдайлар жасалды, Қазақстан халқының өз еркін білдіруге және өзінің жарқын болашағын саналы түрде таңдауына барлық мүмкіндік бар», - деп атап өтті спикер.