«Жасыл Қазақстан ұлттық бағдарламасында Жезқазған және Балқаш қалаларындағы мыс балқыту зауыттарының эмиссияларын 2025 жылға дейін 50%-ға қысқарту көзделген. Бұған қол жеткізу үшін Жезқазғанда және Балқашта күкірт-қышқыл цехы салынуда. Жалпы, инвестициялар көлемі - 105 млрд теңгеден астам. Екі қалада да шығарындылар екі есеге азаяды деп күтілуде. 2022 жылы корпорацияға қатысты 10 жоспарлы және жоспардан тыс тексеру жүргізілді. Эмиссиялар нормативтерінің артуы, шаң-газ тазарту жабдықтарының тиімсіз жұмысы және қалдықтармен жұмыс істеу жөніндегі талаптардың бұзылуы анықталды. Бұрын салынған 19 млн теңгеден асатын айыппұлдар бойынша бірқатар айыппұл санкциялары өндірісте. Қазіргі уақытта 3 тексеру жүргізілуде», - деп түйіндеді спикер елдің атмосфераны ластайтын ірі кәсіпорындары туралы анықтаманы.