Біріншісі – іріктеп бақылау. Техникалық қадағалау тапсырыс берушінің қалауымен жүзеге асырылады, ал авторлық қадағалау және сәулет-құрылыс бақылауы мүлдем қарастырылмаған. Екіншісі – мүдделер қақтығысы.
«Көп жағдайда тапсырыс беруші мердігердің де, техникалық қадағалаудың да шарттық міндеттемелерінің орындалуын бақылайды. Нәтижесінде объектіні қабылдау және бюджетті игеру кезінде мүдделер қақтығысы туындайды. Үшіншісі – құрылыс процесіне қатысушылардың үлестес болуы. Техникалық қадағалау маманы бір уақытта мердігер компанияда жұмыс істеуі мүмкін. Талдау негізінде осы фактілер бойынша ұсынымдар әзірленді және қазіргі уақытта Үкіметтің уәкілетті органдары мен ЖАО шешімін тауып, жойылуда», - деп атап өтті спикер.