«Мемлекеттік әлеуметтік тапсырыс – 2005 жылдан бастап іске асырылып келе жатқан мемлекет пен ҮЕҰ өзара іс-қимылының әлеуметтік жобаларды іске асырудағы тиімді тетіктердің бірі. Бұл ретте қаржыландыру көлемі соңғы 5 жылда 20%-ға артты, жыл сайын әлеуметтік маңызы бар бағыттар бойынша орта есеппен 2 мыңға жуық жоба іске асырылуда. Екінші бағыт – сыйлықақылар республикалық, салалық және өңірлік деңгейлердегі әлеуметтік міндеттерді шешуге қосқан үлесі үшін 2017 жылдан бастап ҮЕҰ-ға беріліп келе жатқан ақшалай сыйлықақы. 2022 жылы сыйлықақылар жалпы сомасы 95 млн теңгеге 14 бағыт бойынша 54 ҮЕҰ-ға берілді. Үкіметтік емес ұйымдарға арналған грант – әлеуметтік саланы дамытудың өзекті мәселелерін шешуге үкіметтік емес ұйымдардың әлеуетін тарту мақсатында берілетін қаражат. Ол гранттық қаржыландыру саласындағы оператор – Азаматтық бастамаларды қолдау орталығы арқылы жүзеге асырылады», - деді комитет төрағасы.
Оның айтуынша, жалпы, гранттарды іске асыру кезеңінде 2016 жылдан бастап гранттық қаржыландыру көлемі 10 есе ұлғайды, жобалар саны 6 есе өсті. Биыл жалпы сомасы шамамен 2 млрд теңгеге 60 гранттық жоба іске асырылды.