Мектеп медицинасы МСАК жұмысының маңызды бағыттарының бірі болып табылады, оның негізгі мақсаты мектеп кезеңіндегі ауруларды ерте анықтау және алдын алу болып табылады. Қазақстанда барлығы 7 мыңнан астам мектеп жұмыс істейді, онда 3,4 млн бала оқиды. ҚР Денсаулық сақтау вице-министрі Вячеслав Дудниктің айтуынша, бүгінде мектептердің медициналық пункттерінде 7 мыңнан астам медицина қызметкері, оның ішінде 200 дәрігер еңбек етеді.
«1 оқушыға жан басына шаққандағы қаржыландыру нормативі 19%-ға ұлғайтылып, 654 теңгені құрады. Нәтижесінде қаржыландырудың жалпы көлемі 27 млрд теңгеге дейін артты. Оқушыларды кәсіби тексеру нәтижелері бойынша көру органдарының патологиясы, жүйке-психикалық аурулар және дене мүсінінің бұзылуы көп тіркеледі», - деді спикер ОКҚ алаңында өткен брифингте.