«Тиімді перинаталдық технологияларды, ДДҰ ұсынған қауіпсіз ана болу қағидаттарын енгізудің, жаңа туған нәрестелерді реанимациялауды дамытудың арқасында 10 жыл ішінде оң нәтижелерге қол жеткізілді. Дене салмағы өте төмен балалардың өмір сүру деңгейі 4 есеге өсті; нәрестелер өлім-жітімі 1,5 есеге төмендеді (2012 жылғы 13-тен 2021 жылы 8-ге дейін). Бүгінгі таңда бұл көрсеткіш тұрақты болып қалуда; балалар өлімі 1,6 есеге төмендеді. Неонаталдық хирургияның дамуымен және осы технологиялардың аймақтарға ауысуымен туа біткен ақаулары бар жаңа туған нәрестелердің өмір сүру деңгейі 86% құрады. Орта есеппен, жыл сайын туа біткен ақаулары бар 1500 жаңа туған нәресте хирургиялық ем алады. Жаңа туған нәрестелердегі минималды инвазивті эндо-видео хирургиясының үлесі 40% ға дейін өсті.
2022 жылы неонаталдық хирургияны жетілдіру жоспары бекітілді», - деді ОКҚ алаңында өткен брифингте денсаулық сақтау вице-министрі Вячеслав Дудник.
Қазақстан – Орталық Азияда туғаннан кардиохирургиялық операциялар жасалатын жалғыз ел. 2022 жылдың 11 айында туа біткен жүрек ақаулары бар балаларға ашық жүрекке 1800 ота, оның 75%-ы бір жасқа дейінгі балаларға жасалды. Шеберлік сабақтарын өткізу үшін шетелден сарапшылар шақырылады. Аса ауыр жағдайларда балалардың өмірін құтқару үшін Қазақстанда телемедициналық технологиялар мен медициналық авиация қолданылды.