«Түнгі және күндізгі уақытта, сондай-ақ кәдімгі және күрделі метеожағдайда оқу-жаттығу ұшуының саны артты. Бір ұшқыштың орташа ұшу сағаты 100 сағаттан астамды құрайды.
Осы жылы Әскери-теңіз күштерінің кемелері 18 мыңнан астам теңіз милін жүзіп өтті. Әлеуетті құрылымдардың өзара іс-қимылы және бірыңғай қолбасшылық жасаумен әскердің әртүрлі ведомстволық тобын қолдану мәселесі пысықталуда. Мемлекеттік органдар іс-қимылының бірыңғай алгоритмі дайындалды. Қарулы Күштерді қолдану ерекшелігі айқындалды. Жалпы, әскерлерді оқытып-үйрету ықтимал қауіп-қатер мен күрделі жағдай аясында, оның ішінде қазіргі заманғы қарулы жанжалдағы жауынгерлік іс-қимыл тәжірибесін ескере отырып өтті. Әскерлерді даярлауда, оның ішінде ұшқышсыз ұшу аппаратын, жаңа радиоэлектрондық күрес және әуе шабуылына қарсы қорғаныс құралдарын пайдаланумен жауынгерлік іс-қимылды жүргізудің жаңа тәсілдерін меңгеруге баса назар аударылды. Бөлімшелері негізгі күштерден қол үзіп жауынгерлік іс-қимылдарды жүргізуге қабілетті Арнайы операциялар күштеріне ұдайы назар аударылды. Жаңа үдерістерді ескере отырып, батальондық және роталық тактикалық топтар даярлығының тиімділігін арттыру жұмысы жүргізілді», - деді генерал.