15.01.2023 _ 17:34

Мемлекет басшысы ресми сапармен Біріккен Араб Әмірліктеріне келді

Сапар аясында Қасым-Жомарт Тоқаев БАӘ Президенті шейх Мұхаммед бен Заид Әл Нахаянмен келіссөз жүргізеді. Екі ел басшылары Қазақстан мен Әмірлік арасындағы стратегиялық серіктестікті дамыту перспективаларын, сондай-ақ маңызды салалардағы сауда-экономикалық және инвестициялық ынтымақтастықты нығайту мәселелерін талқылайды, деп хабарлайды ҚР Президентінің Баспасөз қызметі.
Мемлекет басшысы ресми сапармен Біріккен Араб Әмірліктеріне келді фото Пресс-службы Президента РК

Президент «Абу Даби тұрақты даму апталығы» саммитіне қатысады, сонымен қатар іскерлік орта өкілдерімен кездеседі.