«Бізде 4 қант зауыты бар. Соның негізінде жақсы кластер дайындауға болады. Қант кластері шаруаларды инфрақұрылыммен ғана қамтамасыз етпейді, бұл қаржыландыру, агротехнологияларды сақтау, техникалық және технологиялық қамтамасыз ету, сондай-ақ өткізу мәселелері. Кепілдендірілген сату кластердің өзегі – қант зауыты арқылы қамтамасыз етіледі. Сондықтан біз Жол картасын сәл кеңейтіп, 4 зауыт негізінде қант кластерлерін дамыту бойынша ұсыныстар енгіземіз. Әрбір зауыт кластердің өзегі болады», - деді спикер.
Сонымен қатар ол Жол картасы өткен жылдың соңында қабылданғанын, сондықтан барлық іс-шаралар енді ғана басталып жатқанын айтты.
«АШМ міндеті – барлық мемлекеттік органдардың, ведомстволардың жұмысын жүйелеу, жұмыс тек ресми түрде жүргізілмеуі үшін нәтиже қажет. Бізде түпкілікті нәтижелер көрсеткіштері бар: бұл импортты алмастыру, өз шикізатымызбен қамтамасыз ету», - деп атап өтті Қ.Жауымбаев.