«Бірыңғай дистрибьютор 2023 жылдың басынан бері 57 млрд теңгеге дәрі-дәрмек пен медициналық бұйымдарды өңірлерге жөнелтті. Амбулаториялық дәрі-дәрмекпен қамтамасыз ету аясында 4 млрд теңгеден астам сомаға дәрі-дәрмек берілді. Бүгінгі таңда елімізде 97 фармацевтикалық өндіруші жұмыс істейді, оның 34-і – дәрілік заттар шығарумен айналысса, 41-і – медициналық мақсаттағы бұйымдар, 22-сі – медициналық техникалар жасауға маманданған. Рош, Ново Нордикс, Пфайзер, АстраЗенека сияқты компаниялардың келісімшарттық өндірісінің инвестициялық жобалары жасалып жатыр. Фармацевтика саласын ақшалай бағаласақ 863 млрд теңгені құрайды, оның ішінде отандық тауар өндірушілер үлесі 162 млрд теңге. 2022 жылы жергілікті фармацевтикалық нарықтағы отандық өндірістің үлесі 19%, импорттық өнімнің үлесі тиісінше 81% құрайды. Президенттің тапсырмасы бойынша алдағы уақытта отандық тауар өндірушілердің фармацевтика саласындағы өнімнің үлесін 50%-ға жеткізуіміз керек», - деді спикер Орталық коммуникациялар қызметі алаңында.