Оның айтуынша, Шарттар сақтанушылардың құқықтарына нұқсан келтіретін, сақтандыру жағдайы басталған кезде сақтандыру төлем жасауға мүмкіндік бермейтін, сондай-ақ сақтандыру төлемі бойынша жаңылыстыратын шарттардың болуы тұрғысынан тексеріледі.
«Сақтандыру қызметтерін тұтынушылардың шағымдары мен өтініштерін талдау осы жерде мынадай кейстер жиі кездесетінін көрсетті: сақтандыру шарттарындағы төлем мерзімінің анық болмауы; төлемдерді жүзеге асыруға арналған құжаттардың ашық тізбесі; орын алмауы мүмкін сақтандыру жағдайлары; сот арқылы сақтандыру жағдайының болғанын ұдайы дәлелдеу. Шарттардың барлық осы талаптарын сақтандыру ұйымдары нарықта ұсынылатын сақтандыру өнімдерінен алып тастауы немесе қайта қарауы тиіс», – деді спикер.