Оның айтуынша, заңдастырылған автокөліктердің басым бөлігі Ресей, Армения, Қырғызстан елдеріне тиесілі.
«Облыстар бойынша автокөліктердің ең көп саны Алматы қаласында – 21 115 бірлік; Ақтөбе облысында – 20 876; Шымкент қаласында – 15 145; Батыс Қазақстан – 14 204; Атырау – 14 197; Қызылорда облысында – 13 695 тіркелген», – деді спикер ОКҚ алаңында.
ІІМ өкілі заңдастыру барысында шешімін тапқан проблемаларға тоқталды. Бірінші мәселе қосалқы бөлшектер ретінде әкелінген көліктер болды. Олар кедендік тазартудан өтпеді және заңдастыруға жіберілмеді.
«Үкімет қаулысына енгізілген өзгерістерге сәйкес 22 мамырдан бастап конструктор-автокөліктерін заңдастыруға рұқсат берілді. Бүгінгі таңда 15 мыңға жуық автоконструктор заңдастырудан өтті», – деді Қайсар Сұлтанбаев.