«Заңда әрбір салалық мемлекеттік орган үшін кәсіби стандартты әзірлеу және бекіту бойынша жауапкершілік қарастырылған. Мысалы, мұнай-газ саласына келсек, Энергетика министрлігі ірі жұмыс берушілермен, сарапшылармен, кәсіподақтармен бірлесіп осы кәсіби стандартты әзірлеп, бекітеді. Бұл білім беру бағдарламаларын дайындауға негіз болады. Сондай-ақ білім беру бағдарламалары кәсіби стандартқа сай болуға тиіс деген нормалар бекітілді», – деп нақтылады спикер.
Сертификаттау орталықтарына да үлкен жауапкершілік жүктеледі. Тестілеу материалдары мұрағатталады және сақталады. Заңда Сертификаттау орталықтарын аккредиттеу жүктелген орган ретінде «Атамекен» ҰКП жауапкершілігі бекітілген, деп түйіндеді вице-министр.