«Жігіттер, азаматтар ең алғашқы рет қарулы күштерімен 17 жасқа толғанда «танысады». Келесі жылдан бастап тіркеу процесстері автоматты, яғни, проактивті форматқа ауыстырылады», – деді Дархан Ахмедиев.
Спикердің айтуынша, әскери есепке проактивті форматта тіркеу 2024 жылғы 1 қантардан 31 наурызға дейін жүргізіледі.
Бұл формат процестерді оңайландырып, уақытты үнемдейді.
«Әскери комитетке келер алдында азаматтар құжаттар жинайды, Жеке іс қалыптастырады. Онда 10-нан астам құжаттың көшірмесін жасайтын. Бұған біраз уақыт жұмсалатын, бұл бір күнде бітпейтін іс. Арнайы бір анықтамаларды алу немесе зерттеулерден өту үшін оларды емханаға жіберуі мүмкін, – деді қорғаныс министрінің орынбасары. – Автоматты, яғни, проактивті форматқа ауыса отырып, жыл сайын 1 млрд астам қаражат үнемделеді».