Ведомство басшысы Саясат Нұрбектің төрағалығымен «Аманат» партиясымен бірлесіп ел жастары арасында қаржылық сауаттылық бойынша кеңес өткізілді. Іс-шараға Министрліктің, «Аманат» партиясының, ҚР Қаржы нарығын реттеу және дамыту агенттігінің, Narxoz университетінің өкілдері және студенттік омбудсмендер қатысты.
Министр қаржы қызметтерінің қарқынды дамуының, бөлшек өнімдерді онлайн форматта және жаңа цифрлық технологияларды трансформациялаудың қазіргі жағдайында халықтың қаржылық сауаттылығы мәселелері оларды өзектендіруді талап ететінін атап өтті.
«Бұл бағытта мемлекет басшысы азаматтардың құқықтық және қаржылық сауаттылығын жүйелі түрде арттыру міндетін белгіледі. Осы жылдың сәуір айынан бастап барлық жоғары оқу орындарында "Қаржылық сауаттылық" курсы бойынша дәріс сабақтары өткізіледі. Өткізілген дәрістер барысында осы бастаманың өзектілігі, атап айтқанда – студенттердің кредит алуының көбеюі, жеке қаржыны басқару дағдыларының болмауы анықталды. Сондықтан біз осы пәнді білім беру бағдарламасына енгізу туралы шешім қабылдадық», – деп атап өтті Саясат Нұрбек.
Сондай-ақ ҚР Ғылым және жоғары білім министрлігі бүгінгі таңда арнайы банктік «Кампус» өнімдері, мемлекеттік білім беру жинақтау жүйесі (МБЖЖ), студенттерге білім беру кредиттеріне кепілдік беру, білім беру қызметтеріне ақы төлеу және кепілсіз кредиттеу үшін ақша жинақтау жүйелері және "Келешек" бірыңғай ортақ жинақтау жүйесі сияқты жобаларды әзірлеуде.
Өз кезегінде «Аманат» партиясы борышкерлер санының көбеюіне жол бермеуге және болашақта қазақстандықтардың өмір сүру деңгейін жақсартуға арналған «Қарызсыз қоғам» – «Общество без долгов» ауқымды әлеуметтік жобасын іске асыруда. Бүгінгі таңда жобаның арқасында Қазақстанның сегіз өңірінің 40 мыңға жуық тұрғыны 5 күндік оқудан өтіп, өздерінің бизнес-жобаларын әзірледі.
Студенттердің құқықтары жөніндегі уәкілі Айсұлу Ерниязова жақын арада өңірлік омбудсмендер қазақстандық студенттер арасында сауаттылықты арттырумен айналысатынын жеткізді.