Атап айтқанда, өңірдің қысқа мерзімді экономикалық индикаторы 107,5% құрады. Ал негізгі капиталға инвестиция 44,2%-ға өсіп, 426,2 млрд тенгеге жетті.
Салалар бойынша мәліметтерге тоқталған әкім құрылыста – 141,1%, өнеркәсіпте – 106,3%, ішкі сауда – 103%, ауылшаруашылығында 101,7% деңгейінде өсім байқалғанын баяндады.
«Өндіріс қарқыны әлеуметтік көрсеткіштерге де оң әсерін тигізді. Орташа айлық жалақы 17,6% - ға өсіп, 292,8 мың теңгені құрады», - деп нақтылады Нұрлан Ұранхаев.
Облыс бюджетінің өз кірістері 141%-ға өсіп, қазынаға 87,4 млрд теңге түссе, биыл аймақтық бюджет көлемі 419,2 млрд теңгені құрады.
Тұрғын-үй коммуналды шаруашылық саласын қаржыландыру 2 есеге артып, сумен жабдықтау нысандарын қаржыландыру 3 есеге, жолдарды жөндеу – 2,3 есеге ұлғайды. Білім беру саласы бойынша шығыстар 1,2 есеге, денсаулық сақтау 2 есеге өсіп, әлеуметтік қорғау – 23%-ға ұлғайды.