Оның айтуынша, Министрлік су тасқынынан зардап шеккен өңірлерде азық-түлік тауарларымен, оның ішінде әлеуметтік маңызы бар тауарлармен қамтамасыз ету жағдайын бақылайды. Көшпелі тексеру жүргізілді, азық-түлік қоры тексерілді.
Алдын ала деректер бойынша өңірлерде 80 сауда нысаны зардап шекті (Павлодар облысында – 1, Қостанай облысында – 22, Ақтөбе облысында – 9, Атырау облысында – 35, Батыс Қазақстан облысында-13 нысан). Залал сомасы нақтыланады. Қалған өңірлерде жағдай тұрақты.
«Министрлік ірі сауда желілерімен баға тұрақтылығын қамтамасыз ету қажеттілігі туралы түсіндіру жұмыстарын жүргізді. Бағаның өсу фактілері анықталған жағдайда 8(7172)74-37-35 нөмірі бойынша хабарласуыңызды сұраймыз», - деп түйіндеді спикер.