Суару жүйелерінің тозу проблемасын шешу үшін, соның салдарынан тасымалдау кезінде судың үлкен шығыны пайда болады, 14 мың шақырымнан астам каналды қайта жаңарту жоспарлануда.
«Еліміздің су қоймаларындағы жағдайға келетін болсақ. Осы сағатқа Ақмола облысының екі ірі су қоймасының су жинауы – 99%. Олардағы су тасқынының белсенді кезеңі өтіп, салалары тұрақтанды. Жабай өзенінің реттелмейтін ағыны артуда, сондықтан Атбасарда су тасқыны бар. Солтүстік Қазақстан облысында 2 ірі су қоймасы 100% - ға толды, су тасқыны жалғасуда. Петропавл қаласы шегіндегі Есіл өзенінің деңгейі – 1176 см, бір тәулікте ол 138 см-ге көтерілді. Жағдай күрделі. Мамандар су өткізу шараларын атқарып жатыр», – деді ведомствоның ресми өкілі.
Ақтөбе облысында екі ірі су қоймасының орташа су жинау көрсеткіші 97%-ды құрайды. Өңірдегі жағдай тұрақты. Шығыс Қазақстан облысында екі ірі су қоймасы бойынша орташа су жинау көрсеткіші - 79%. Абай облысында Шүлбі су қоймасы 95% - ға толды. Аймақта су тасқыны кезеңі басталды. Шүлбі су қоймасына бүйірлік ағындардың ұлғаюына байланысты су жіберіліп жатыр. Жалпы, Ертіс каскадының су қоймалары штаттық режимде жұмыс істейді.
«Батыс Қазақстан облысында төрт ірі су қоймасы 73% - ға толы. Иреклі су қоймасынан жіберілген су әлі Қазақстан шекарасына жеткен жоқ. Оған қатысты болжам өзгермеді. Бұл су 16-17 - сәуірде келеді деп күтілуде. Қарағанды облысында 3 ірі су қоймасы 99% - ға толды, өңірде су тасқынының қауіпті кезеңі аяқталды. Жағдай тұрақты. Қостанай облысында екі ірі су қоймасының орташа су жинау көрсеткіші - 92%, мұнда су тасқынының белсенді кезеңі өтті. Қаратомар су қоймасы транзиттік режимде жұмысын жалғастыруда. Барлық нысандарда тәулік бойы кезекшілік және әр сағат сайын су шаруашылығы жағдайына мониторинг жүргізіледі», – деді М.Әбдуалиева.