Оның хабарлауынша, қазір Бочча федерациясына еріктілердің көмегі қажет болып тұр.
«Қоғамдық негізде қолдап жатқан көптеген волонтерлар, меценаттар бар. Боччаны дамытудың мақсаты – мүмкіндігі шектеулі адамдар қоғамға белсене атсалысып, дамыса екен деген ниетпен осы спорт түрін дамытып жатырмыз. Бочча федерациясы аясында волонтерларды жинағымыз келеді», – деді спикер.
Алдыңғы жылы Бочча чемпионатына 10 аймақтан 50 спортшы қатысты. Биыл спортшылардың саны 2 есеге өсті. Отандық спортшылар өз қалаларында ғана емес, шетелге де шығып, оқу-жаттығу жиындарына қатысады.