Мемлекет қолдауының арқасында бүгінгі күні 13 білім беру, 2 спорт және 1 денсаулық сақтау нысандарын жөндеуге және құрылысына, сондай-ақ, 47 шақырым автожолдарды, 23 көпірді және 22 гидротехникалық құрылыстарды қалпына келтіруге толық қаржы бөлінді.
Өңір дамуындағы дәстүрлі маңызды бағыттар - білім және денсаулық сақтау салалары болып табылады.
«Биыл 8 жаңа мектеп пайдалануға берілді. Ал жыл соңына дейін тағы 2 мектеп құрылысын аяқтау жоспарда. Сондай-ақ алдағы жылдары да бұл жұмысты жалғастырамыз. 11,4 мың оқушыға арналған 14 жайлы мектеп құрылысын аяқтап, іске қосамыз», – деді облыс әкімі.
Денсаулық сақтау саласында медициналық қызметтердің сапасын арттыру үшін «Ауылдық денсаулық сақтауды жаңғырту» ұлттық жобасы аясында өңірде 29 жобаны іске асырылуда. Қазірдің өзінде 12 нысан пайдалануға берілді. Жыл соңына дейін тағы 6 нысан іске қосылады.