Оның хабарлауынша, адамдар көп жиналатын орындарында LED-экрандар арқылы профилактикалық бейнероликтер көрсетіледі. Халықты жаппай қамту мақсатында өрт қауіпсіздігі туралы ақпарат тұрғын үйлер мен ата-аналар чаттарына жіберіледі.
Төтенше жағдайлар министрлігі өрт қауіпсіздігін қамтамасыз ету үшін барлық қажетті шараны қабылдап, азаматтарды осы кезеңде қарапайым өрт қауіпсіздігі ережелерін сақтауға шақырады.
«Газ баллондары мен жанғыш материалдарды жылыту құралдарына жақын қоймаңыздар. Пешті қатты қыздырмай, мұржаларды жиі тазалаңыздар. Кішкентай балалардың отпен ойнауына жол бермеңіздер. Электр құралдарының жарамды болуын қадағалаңыздар. Бір мезгілде жоғары қуатты бірнеше құралды қоспаңыздар. Осы қарапайым ережелерді сақтау халықты қайғылы жағдайдан сақтайды», – деп ескертті спикер.