«Халықтың өмірін қамтамасыз ететін салалардың материалдық-техникалық базасын жақсарту мақсатында 2023-2025 жылдарда облыстық бюджеттен 15 млрд теңгеден астам қаржыға 1 мыңға жуық арнайы техника сатып алынды. 2025 жылдың 10 айында қылмыстық құқық бұзушылық 5,2%-ға төмендеді. Бұл республика бойынша тіркелген қылмыстық құқық бұзушылықтардың 3,2%-н құрайды. Облыста ұрлық, тонау, аса ауыр қылмыстар саны өткен жылдың осы кезеңімен салыстырғанда азайып отыр. Қоғамдық тәртіпті қамтамасыз ету мақсатында жыл басынан бері облыс бойынша 1 мыңнан астам бейнебақылау камерасы орнатылды», – деді өңір әкімі ОКҚ алаңында өткен баспасөз конференциясында.
Аймақтағы 405 ауылдық елді мекеннің 343-і, яғни 85%-ы интернетке қол жеткізіп отыр. Халық саны 50 адамнан аз ауылдарды интернетпен қамтамасыз ету үшін 24 ауылға OneWeb спутниктік технологиясының станциясы орнатылуда. Сондай-ақ 5G стандартындағы 77 базалық станция іске қосылды. Интернет сапасын одан әрі жақсарту мақсатында «Қолжетімді интернет» ұлттық жобасы аясында 2027 жылға дейін 220 ауыл талшықты-оптикалық байланыспен қамтылады. «Smart City» тұжырымдамасы негізінде ақылды қалалардың рейтингісімен 2024 жылдың қорытындысы бойынша Орал қаласы 78,3%-бен үздік 5 қаланың қатарында орналасты.