Оның айтуынша, 2026 жылы тұтынушылардың құқықтарын қорғау жөніндегі қоғамдық бірлестіктер бұл бағыттағы жұмыстарын жалғастырды. Ағымдағы жылдың бірінші тоқсанында еліміздің барлық өңірінде 363 түрлі өнім сатып алынып, тексеруден өткізілді.
«Тексеру нәтижесінде өнімдердің 179 түрінен, яғни жалпы көлемнің 49%-нан түрлі заң бұзушылықтар анықталды. Оның ішінде бұзушылықтардың 77% таңбалау талаптарына қатысты болса, 23% санитариялық-эпидемиологиялық талаптардың сақталмауына байланысты болды. Анықталған заң бұзушылықтар бойынша 136 кәсіпкерлік субъектісі әкімшілік жауапкершілікке тартылды», – деді спикер баспасөз конференциясында.