«Бір күнтізбелік жылдың ішінде волонтерлік қызметке қатысатын азаматтар мен ұйымдар саны тұрақты өсіп, олардың қатысуымен іске асырылатын бағдарламалар мен жобалар ауқымы арта түскенін көріп отырмыз. Осы уақыт ішінде волонтерлік ұйымдар мен топтардың саны 3 есеге артып, 600-ден астам ұйым құрылды. Тұрақты волонтерлер саны бірнеше есеге өсті және бүгінде 180 мыңнан астам адамға жетті», - деді М.Қожахмет.
Оның атап өтуінше, бүгінде волонтерлік пандемия қаупіне қарсы тұра алатын маңызды факторлардың бірі. Осы қиын кезеңде елімізде волонтерлік іске 500 мыңнан астам адам тартылып, 1 миллионнан астам азаматқа әртүрлі көмек көрсетілді.