«QazVolunteer.kz бірыңғай платформасын да волонтерлік саласындағы жаңалық деп атауға болады. Бүгінгі таңда 47 мыңнан астам волонтер тіркеліп, 3 мыңнан астам ұйым жұмыс істеуде. Бұл ақпараттық ресурс саласындағы алуан түрлі жобаларға ұйытқы болды. Сондай-ақ, «Birgemiz» жалпыұлттық жобасы шеңберінде «Sabaqtastyq», «Saulyq», «Taza alem», «Asyl mura», «Qamqor», «Bilim», «Umit» бағыттары бойынша волонтерліктің тұтас жүйесі қалыптастырылып, іске асырылуда. Аталған бағдарламалар 7 мыңнан астам волонтерді қамтып, волонтерлер қозғалысының айқындаушы векторы болды», - деді комитет төрағасы.
Оның мәліметінше, азаматтарға кеңес беруге 3,5 мыңнан астам волонтер, оның ішінде заңгерлер, адвокаттар, нотариустар және заң факультеттерінің студенттері қатысып, олардан 7,5 мың адам кеңес алды.