Ұлттық жобалар өміріміздің маңызды салаларын қамтиды.
Қайрат Келімбетов мысал ретінде мектептегі білім беру жүйесін келтіріп өтті. Атап айтқанда, 2025 жылға дейін 800 жаңа мектеп салынады. Бұл апатты және үш ауысымды білім беру мекемелерінің проблемаларын, оқушы орындарының тапшылығын шешуге мүмкіндік береді.
Сондай-ақ, өңірлердің әлеуетін ашуды және олардың әлеуметтік-экономикалық жүйелерінің бәсекеге қабілеттілігін нығайтуды көздейтін теңгерімді аумақтық дамуға ерекше назар аударылады.
Сыртқы экономикалық саясатта инвестицияларды белсенді және таргеттелген тарту, сондай-ақ қазақстандық экспортты ілгерілету маңызды басымдыққа айналады.
Келімбетов сондай-ақ мемлекеттің күш-жігері «халық үніне құлақ асатын мемлекет» тұжырымдамасын толыққанды іске асыра отырып, заңның нақты үстемдігіне бағытталатынын атап өтті.
Сыбайлас жемқорлыққа қоғамдық иммунитетті арттыру мақсатында сыбайлас жемқорлыққа қарсы саясатты қалыптастыру мен іске асыруға қоғам мен бизнесті тарту бойынша жұмыс жалғасын табады.