«Тамыздың аяғында-қыркүйектің басында қала бойынша эпидемиологиялық жағдай жақсарған. Елорда бойынша 990 төсек-орын қуаттылығымен 7 инфекциялық стационар қызмет етеді. Таңғы мәліметке сәйкес 578 адам ковидті стационарларда ем қабылдап жатыр, төсек-орын жүктемесі 58,4%. Жаз айларымен салыстырғанда бұл көрсеткіш 70%-дан астам еді.», - деді әкім орынбасары.
Оның айтуынша, Көпбейінді №1 қалалық аурухананы осы аптада инфекциялық ретінде жабылып, аурухана өзінің бастапқы қызметін жалғастыратын болады. Шілде айының басында ол 600 төсек-орындық ковидті аурухана ретінде бейімделген болатын.