Қосымша вакцинацияның нәтижиесінде сәуір айында қызылша ауруы наурызбен салыстырғанда 17,3% төмендеген, деп хабарлайды ortcom.kz.
«2019 жылдың 1 қаңтарынан қазіргі уақытқа дейін қызылшаның 7560 жағдайы тіркелген, оның ішінде 14 жасқа дейінгі балалар арасында 5339 жағдай, яғни, 70,6%. Эпидемиологиялық көрсеткіштер бойынша ошақтарда иммунизация жүргізіледі, бүгінгі күні 14794 адам егілді», - деді Бас Мемлекеттік санитарлық дәрігер Жандарбек Бекшин.
Қызылшамен ауыру көрсеткішінің 61,6% - ы егілмеген балалар арасында тіркелген.
«Қызылшадан жалғыз тиімді қорғау вакцинация болып табылады», - деп атап өтті Жандарбек Бекшин.
Айта кетсек, қызылша пневмония, бронхит, энцефалит сияқты асқынуларға ұласып кетуімен қауіпті, олар медициналық көмекке кеш жүгінгенде және ауыр қосымша аурулар болған жағдайда өлімге әкелуі мүмкін.