Перейти к содержанию

Салық төлемеген жеке тұлғаларға салынатын айыппұл көлемі 10 есеге ұлғайды

Салық төлемеген жеке тұлғаларға салынатын айыппұл көлемі 10 есеге ұлғайды
ortcom.kz

Орталық коммуникациялар қызметінде Бас Прокурордың орынбасары Марат Ахметжанов қылмыстық заңнаманы жаңғырту, сондай-ақ, жыл басыннан бергі елдегі қылмыстық жағдайлардың жай-күйі туралы айтты.

"Ізгілендірудің үшінші сатысы қылмыстық жауаптылыққа әкеп соғатын шекті мәндерден аса отырып, экономикалық және салықтық құқық бұзушылықтарға қатысты болды. Мәселен, салықты төлеуден жалтару бойынша (ҚК 245-бабы) ірі залал 20 мың АЕК-ден 50 мың АЕК-ге дейін (48 млн. теңгеден 120 млн. теңгеге дейін), аса ірі залал – 50-ден 75 мың АЕК-ге дейін (120 млн. теңгеден 180 млн. теңгеге дейін) ұлғайтылды",- деді Марат Мұратұлы.

Ал жеке тұлғалар үшін салықтарды төлемеу бойынша залал шегі 10 есеге ұлғайтылған. Яғни, 2 мыңнан 20 мың АЕК-ге дейін.

2018 жылы Қылмыстық процесті жаңғырту туралы Заңның қабылдануымен теріс қылықтар және онша ауыр емес қылмыстар бойынша сот ісін жүргізу жеңілдетілгенін де атап өтті.

"Адамдарды 48 сағатқа дейін, кәмелетке толмағандарды – 24 сағатқа дейін ұстау мерзімі қысқартылды. Экономикалық қылмыстар бойынша сотқа дейінгі қамаққа алуға тыйым ендірілді, нақтырақ, 6 аса ауыр қылмыс құрамын қоспағанда", - деді ол.

Нәтижесінде алдыңғы жылы ұсталғандардың 80% (10455-тің 8 392-сі) екі тәулік ішінде сотқа жеткізілген.

«А.ж. 3 айда ұсталғандардың саны 17%-ға төмендеді (3314-тен 2742-ге дейін), қамаққа алулар саны 13% (3011-ден 2633-ке дейін) төмендеді. Үйқамаққа алынған адамдар саны 2 есе (98-ден 229-ға дейін), ешқайда жол жүрмеу туралы қолхаттар саны 5 есе (526-дан 3121-ге дейін) өсті»,- деп атап өтті Марат Мұратұлы.

Сондай-ақ, адвокаттардың өкілеттіктерін кеңейту есебінен қылмыстық процестің жарыспалылығы артқан.

Источник

Поделиться