Перейти к содержанию

Салықтық рақымшылық жүргізу ережесі бекітілу кезеңінен өтуде

Салықтық рақымшылық жүргізу ережесі бекітілу кезеңінен өтуде
ortcom.kz

Салық берешегінің ең көп сомасы көлік құралдарына салынатын салыққа тиесілі, деп хабарлайды ortcom.kz тілшісі.

«Статистикалық деректерге сәйкес, 2019 жылғы 1 қаңтардағы жағдай бойынша 1,4 млн жеке тұлғаның жалпы сомасы 20,9 млрд теңгені құрайтын салықтық берешегі болған, оның ішінде негізгі борыш - 14,3 млрд теңге, есептелген өсімпұлдар – 6,6 млрд теңге», - деп мәлімдеді ҚР Қаржы министрлігі Мемлекеттік кірістер комитеті төрағасының орынбасары Жайдар Іңкәрбаев мәлімдеді.

Айтуынша, салық берешегінің ең көп сомасы немесе 70% немесе 14,4 млрд теңге көлік құралдарына салынатын салыққа тиесілі.

Ал жер салығы бойынша берешекке 12% немесе 2,5 млрд теңге, мүлік салығына 6,7% немесе 1,4 млрд теңге тиесілі.

«Борышкерлердің басым бөлігі-жеке тұлғалар Шымкент қаласында шамамен 148 мың, 139 мың Түркістан облысында, 116 мың Жамбыл облысында және 114 мың Нұр-сұлтан қаласында тіркелген. Өңірлер бөлінісінде салық берешегінің ең көп сомасы Алматы қаласында – 5,5 млрд теңге, Нұрсұлтан және Маңғыстау облысында 2 млрд теңгеден, Шымкент қаласында 1,6 млрд теңге»,- деді Мемлекеттік кірістер комитеті төрағасының орынбасары.

Айта кетсек, ағымдағы жылдың 4 шілдесінде Мемлекет басшысы қол қойған салықтық рақымшылық жүргізуді көздейтін заң шеңберінде Қаржы Министрлігінің бұйрығымен салықтық рақымшылық жүргізу ережесі бекітілу кезеңінен өтуде.

Источник

Поделиться