Мемлекет басшысының тапсырмасы аясында биыл 23 қаңтар мен 30 маусым аралығында елімізге 2022 жылғы 1 қыркүйекке дейін әкелінген шетелдік автомобильдерді заңдастыруға өтінімдер қабылданды. Өтінімді уақытылы берген, бірақ автокөліктерін заңдастырып үлгермеген Қазақстан азаматтарына белгіленген мерзімнен кейін заңдастыруға мүмкіндік берілді. ОКҚ алаңында өткен баспасөз конференциясында ҚР ІІМ Әкімшілік полиция комитетінің төрағасы Қайсар Сұлтанбаев заңдастыру барысы жайлы баяндады.