Коронавирусты инфекцияның ағымдағы жағдайы, сондай-ақ елордалық кәсіпкерлік субъектілерінің жұмысын қалпына келтіру шаралары туралы ҚР Президенті жанындағы Орталық коммуникациялар қызметі алаңында өткен онлайн-конференция барысында Нұр-Сұлтан қаласы әкімінің орынбасары Бахтияр Мәкен хабардар етті.
Спикердің ақпараты бойынша, бүгінгі таңда елордада азаматтардың коронавирустық инфекциясын жұқтырудың 433 жағдайы тіркелген, стационарларда 225 науқас қалып отыр, 207 адам сауығып, 2 396 адам үй карантинінде, 3 өлім жағдайы тіркелген.
26 107 (ПТР) зертханалық зерттеулер жүргізілді, 9 сәуірден бастап жаппай жедел-тестілеумен 12 752 адам қамтылды, 41 мың экспресс-тест медицина қызметкерлері, полиция қызметкерлері, Ұлттық ұланның әскери қызметшілері, тіршілікті қамтамасыз ету жүйесі және коммуналдық қызметтер қызметкерлері арасында квота бойынша бөлінді.
Елордада карантинді бұзғаны үшін күшейтілген режим енгізілген сәттен бастап 3 мыңнан астам қала тұрғыны жазаланды, 1 100-ден астам автокөлік айыппұл тұрағына салынды.
20 сәуірден бастап: өнеркәсіптік және индустриялық кәсіпорындар (20 мыңнан астам адам); құрылыс саласындағы 500-ден астам объект (40 мың адам); асфальтбетонды зауыттардың жұмысы іске қосылды; жалпы ауданы кемінде 2 мың шаршы метр 5 құрылыс дүкені (4,5 мың адам); көлік және логистика, қоймалау және ауыл шаруашылығы мақсатындағы сервистік компаниялар (10 мың адам) объектілері қайта құрылды.
Бұдан басқа, қоғамдық тамақтану мейрамханаларының жұмысы сағат 22.00-ге дейін онлайн тамақ жеткізу үшін ұзартылды, химиялық тазалау және кір жуу орындары, ТҚС, Автосалондар, автожуғыштар, шиномонтаж шеберханалары, арнайы техниканы жөндеу (6,5 мыңнан астам адам) жұмыстарын бастады, екінші деңгейдегі банктердің штаттық санынан 50% - дан аспайтын жұмыс кестесі сағат 17.00-ге дейін жұмыс істейді. Жалпы, бірінші кезеңнің қорытындысы бойынша 80 мыңнан астам адам жұмысқа қайта орналасты.
Дезинфекциялық жұмыстар аясында 2800-ден астам тұрғын үй кешені, 10 мыңнан астам кіреберістер өңделді. Бағаның негізсіз өсуіне, әлеуметтік-маңызды азық-түлік, бірінші қажеттіліктегі тауарлар және санитарлық нормаларды сақтамағандарға тұрақты негізде мониторинг жүргізіледі.
24 сәуірдегі жағдай бойынша төтенше жағдай режимін енгізуден табыстарын жоғалтқан азаматтарға әлеуметтік көмек көрсету шеңберінде 42 500 теңге мөлшерінде 240 мыңнан астам азамат көмек алды. 30 мыңнан астам азамат халықтың әлеуметтік осал топтарына атаулы көмек шеңберінде азық-түлік жиынтығын сатып алуға қосымша көмек алды.
