Эпидемиологиялық жағдайдың нашарлауына байланысты карантиндік шараларды күшейтудің қосымша шаралары қабылданды. Санитарлық бекеттер орнату арқылы қалаларға кіру және шығу шектелді, елді мекендерде санитарлық блок посттар орнатылды, әуе және теміржол қатынастары қысқартылды, теміржол құрамдары облысының ішінде тоқтауға тыйым салынды.
Санитарлық дәрігерлердің қаулысына сәйкес, аса қауіпті аймақтарда жалпы тамақтану орындарының, сауда үйлерінің, орталықтардың және ауданы 800 шаршы метрден асатын азық-түлік емес дүкендердің жұмыс уақыты шектелді. Жиналыстар да осы форматта өткізілуде. Демалыс және мереке күндері шаралар күшейтілді. Шығыс Қазақстан облысында маршруттарға шығатын автобустар көбейтілді, ал кіре берістерде, лифтілер мен паркингтерде дезинфекциялау жүргізіледі. Ал ШҚО және СҚО вокзалдарына билет болған жағдайда ғана жіберіледі, жолаушыларды ғимараттың сыртында шығарып салып, қарсы алады.
