Халқы 250 адамнан аз мыңнан астам ауыл интернетсіз қалады. Уақытша. Кейбіреулер мұны азаматтардың конституциялық құқықтарына тікелей нұқсан келтіру деп санайды. «Салалық министрлік бұл мәселені қашан және қалай шешеді?» Орталық коммуникациялар қызметінде өткен брифингте ведомство спикеріне осындай сұрақ қойылды.
«Министрлік пен байланыс операторлары азаматтардың конституциялық құқықтарын бұзбайды. Шынында да, 250-ден аз адам тұратын ауылдар бар. Статистика бойынша олардың саны - 855. Ауылдардың осы тізімі бойынша интернет желісін тартуға болатын жерлердің тізбесі бірлесіп пысықталуда. Қазақстан Республикасы аумағы бойынша әлемде 9-орында және халқының саны бойынша 65-орында. Бір шаршы шақырымға 6 адамнан. Бұл ауылдарда жалпы халықтың 1%-нан азы тұрады, ал оларға интернет тартуға жұмсалатын шығындар қарапайым қалалар мен ірі елді мекендердегімен бірдей. Сондықтан, бірінші кезекте, «250+» жобасы әзірленді. «250-» сәл кейінірек болады. Қашықтан білім беруге келетін болсақ, бұл мәселелер Қазақстанның Білім министрлігімен пысықталады. Тіпті кең жолақты интернетке қолжетімді ауылдарда да балалар мектепке барады, қашықтан оқымайды. Әр ауыл бойынша егжей-тегжейлі талдау жүргізіліп, белгілі бір шешім қабылданды: мына ауылда оқушылар қашықтан немесе онлайн режимде білім алады. Сондықтан бұл мәселелер қарастырылды», - деп жауап берді ҚР Цифрлық даму, инновациялар және аэроғарыш өнеркәсібі министрлігі Телекоммуникациялар комитетінің төрағасы Виталий Ярошенко.
