Оның айтуынша, жалпы қор мамандары негізгі 4 түрлі мониторинг жүргізеді. Оның ішінде жоспарлы, жоспардан тыс, мақсатты және проактивті мониторинг.
«Үстіміздегі жылдың үш айында 468 жоспардан тыс мониторинг жүргізілді. Нәтижесінде, 2 мыңнан астам ақау анықталып, 44,8 млн теңге көлемінде айыппұл салынды. Айта кетейік, жоспардан тыс мониторинг пациенттерден шағымдар түскен кезде, нормативтік-құқықтық актілерді бұзудың ықтимал жағдайлары анықталған кезде жүргізіледі. Сонымен қатар, жүкті әйелдер скринингі және 2021 жылы туылған нәрестелер скринингтері бойынша ақаулар тіркелді. Сәуір айында жоспарлы емес тікелей мониторинг жұмысы қарсаңында былтыр өткен «Аңсаған сәби» бағдарламасы бойынша бөлінген 7 мың квотаға мақсатты мониторинг жүргізілді. Оның нәтижесі бойынша 2 мыңнан астам ақау анықталып, 60,8 млн теңгеге айыппұл салынды. Жалпы, биыл үш айда қор мамандарының жұмысының нәтижесінде 200 мыңнан астам ақау анықталып, 4,8 млрд теңге көлемінде айыппұл салынды», - деді спикер.
