ШҚО-да 2-3 жастағы 1912 бала балабақшаға кезекте тұр. Бұл мәселені шешу үшін 1948 орын ашылды, жыл соңына дейін тағы 25 орын ашылады. Әлеуметтік жағдайы нашар отбасылардағы 5233 бала балабақшаға тегін барады. Орта білім беру жүйесінде апатты немесе үш ауысымды мектептер жоқ. «Жайлы мектеп» ұлттық жобасы аясында 3 мың орындық 7 мектептің құрылысы жүріп жатыр, оның төртеуі биыл іске қосылуға дайын, қалған 3 мектеп келесі жылы ашылады. Бұл жайлы Шығыс Қазақстан облысының әкімі Ермек Көшербаев ОКҚ көшпелі баспасөз конференциясында айтты.