Медицина ұйымдарының электрондық форматқа өтуі туралы ҚР Денсаулық сақтау вице-министрі Олжас Әбішев Орталық коммуникациялар қызметінде мәлімдеме жасады.

«Жалпы «Қағазсыз аурухана» пилоттық жобасының шеңберінде 2019 жылдың 21 қаңтардағы жай-күйі бойынша барлық өңірлердің жоспарланған 694 (99.3%) денсаулық сақтау ұйымынан 689-ы Денсаулық сақтау министрлігімен бекітілген бастапқы медициналық құжаттаманың есептік-есеп 127 нысанынан 103 электрондық түрде жүргізеді», - деді ҚР Денсаулық сақтау вице-министрі Олжас Әбішев.

Сондай-ақ «Денсаулық сақтау ұйымдарының бастапқы медициналық құжаттама нысандарын бекіту туралы» ҚР Денсаулық сақтау министрлігінің № 907 бұйрығына енгізілген өзгерістер мен толықтыруларға сәйкес электрондық түрде жүргізілуі тиіс нысандардың саны – 4 және МАЖ болған жағдайда электрондық түрде жүргізілуі тиіс нысандардың саны – 229, оның ішінде 12 нысан жаңа редакцияда жазылған.

Денсаулық сақтау вице-министрінің айтуынша, барлық 233 нысан электрондық форматта жүргізілетін болады. Сонымен қатар, ағымдағы кезеңге жасалған жұмыстардың әлеуметтік-экономикалық тиімділігіне тоқталып өтті.

Емханаға бару саны мен кезек күту 2 есе азайған, дәрігерлер мен пациенттердің уақытын 50% үнемдеген, смартфондар арқылы зерттеулер нәтижелерін алу есебінен оларды алу уақыты 2,5 есе азайған. Сондай-ақ, жұмыс орындар саны 1,6 % оңтайландырылып, медициналық қағаз құжаттамасында жылына 3 200 тонна қағазды үнемделген.