Бүгін Премьер-Министрдің орынбасары - Қаржы министрі Е.К. Жамаубаев Мемлекет Басшысының тапсырмаларын орындау аясында кәсіпкерлік субъектілерінің проблемалық мәселелерін шешу жөнінде кеңес өткізді.
Атап айтқанда, аридтік аймақтар үшін құдықтар мен ұңғымалар құрылысын субсидиялау, қайталама карантиндік фитосанитариялық бақылау мен қадағалау жүргізу регламенттерінің болмауы, сүрек дайындау, жанама орман пайдалану мен орман кластерлерінің болмауы, сондай-ақ ауыл шаруашылығындағы статистикалық деректерді талқылау мәселелері талқыланды.
Осылайша, елдің табиғи ресурстарының бай алуан түрлілігін және бизнестің мүдделілігін ескере отырып, дәрілік шөптерді жинауды және ауыл шаруашылығы статистикалық тіркелімінің ақпараттық жүйесінің Ауыл шаруашылығы жануарларын бірдейлендіру ақпараттық жүйемен өзара іс-қимылын жетілдіруді қоса алғанда, осы саланы одан әрі дамыту бойынша қосымша шаралар пысықталатын болады.
Кеңес қорытындысы бойынша мүдделі органдарға ұсыныстарды таныстыру және Үкіметке жолдау үшін тәсілдерді пысықтау бойынша нақты тапсырмалар берілді.
#Президенттіңтапсырмасыбойынша
#ҚРҚМбаспасөз_қызметі
