2022 жылғы 14 сәуірде ҚР АШМ Ветеринарлық бақылау және қадағалау комитетінің төрағасы А.Жақыпбаев ведомство басшысының тапсырмасы бойынша Ресей Федерациясына жұмыс сапарымен барды.
Сапар барысында комитет төрағасы Ветеринарлық және фитосанитарлық қадағалау бойынша Федералдық қызмет басшысының орынбасары К.Савенковпен кездесу өткізді.
Кездесу қорытындысы бойынша тараптар құс өнімдерін әкелу бойынша уақытша шектеулерді өзара алып тастау туралы келісімге келді. Эпизоотиялық жағдайдың тұрақтануы және Қазақстан аумағындағы құс тұмауын жою бойынша жүргізілген іс-шараларды назарға ала отырып, осы күнге дейінгі Ресей аумағына әкелу бойынша енгізілген шектеулер алынып тасталады.
