Спикер атап өткендей, жыл сайын осы санаттағы жүзден астам қылмыс тіркеледі, шамамен 5 ұйымдасқан-қылмыстық топтың құқыққа қайшы әрекеті тоқтатылады, пайдалану мақсатында азаматтарды елден тыс жерлерге әкету арналары жойылады.
Сарапшылардың бағалауынша, адам саудагерлері жәбірленушілерге алдаудан зорлық-зомбылыққа дейін әсер етудің әр түрлі тәсілдерін қолданады. Тәжірибе бұған халықтың әлеуметтік осал топтары жиі ұшырайтынын көрсетті.
«Министрлік басқа мүдделі мемлекеттік органдармен бірлесіп 2021-2023 жылдарға арналған адам саудасына байланысты қылмыстардың алдын алу, жолын кесу және оларға қарсы күрес жөніндегі үкіметтік жоспарды іске асыруда», – деп атап өтті ІІМ өкілі.
Жоспар шеңберінде осы жылдың 29-30 шілдесінде ІІМ ҮЕҰ-мен бірлесіп Дүниежүзілік адам саудасына қарсы күрес күніне орайластырылған «Адам саудасын бірге тоқтатайық!» атты республикалық науқан өткізеді.
Бұдан басқа, адам саудасы мәселелері жөніндегі ведомствоаралық комиссия жұмыс істейді, Адам саудасынан зардап шеккендерге қызметтің 8 түрі бойынша мемлекеттік бюджеттен көмек көрсетіледі.
Мемлекет басшысының тапсырмасы аясында әзірленіп жатқан «Адам саудасына қарсы іс-қимыл туралы» арнайы заң жобасы биылғы жылдың басты бағыты болды. Оны әзірлеуге 50-ден астам сарапшы, ҮЕҰ, халықаралық құқық қорғау ұйымдарының өкілдері қатысудаа. Бүгінгі таңда заң жобасы Парламент Мәжілісінің қарауында», – деді С. Құсетов.
Арнайы заңның қабылдануы адам саудасына қарсы іс-қимыл жүйесін реттеудің құқықтық базасын жасайды, субъектілердің шеңбері мен рөлін, сондай-ақ олардың арасындағы өзара іс-қимыл тетіктерін айқындайды, кідірісті азайтады, жәбірленушілерге мемлекет тарапынан өздерінің құқықтары мен қорғау шараларын жақсы түсінуге мүмкіндік береді, деп санайды ІІМ өкілі.
