Спикер биылғы жыл басынан бергі жағдай бойынша қанша кәсіпкер қандай көмек алғанына тоқталып өтті.
«Субсидиялау құралымен жалпы сомасы 680 млрд теңгеге дейінгі кредит сомасы бойынша 9 мыңнан аса кәсіпкер қамтамасыз етілген. Және де 270 млрд теңге кредит сомасына кепілдемені мемлекет тарапынан 7 мыңға жуық кәсіпкер алды. Қайтарымсыз гранттар 370-ке жуық кәсіпкерге берілген, 1,4 млрд теңге сомасына. Ал жетіспейтін инфрақұрылымды жүргізу бойынша 23 жобаны іске асыру үшін мемлекет тарапынан қолдау көрсетілген», – деді ҚР Ұлттық экономика министрлігі Кәсіпкерлікті мемлекеттік қолдау және қорғау департаментінің директоры Нұрбол Жанабеков.
Ол қолдау құралын пайдаланған кәсіпкерлер тарапынан орындалуға тиіс талаптар бар екенін атап көрсетті.
«Жеңілдетілген несие, кепілдеме, қайтарымсыз грант алғанымен мемлекет тарапынан өзінің талаптары бар. Яғни жұмыс орындарын құру, салық төлемдерін арттыру, табысын арттыру сияқты. Осы бағдарламаларды іске асырудың барлық кезеңінде 2010-2022 жылдары аралығында осы бағдарламаларға қатысушы кәсіпкерлермен 752 мың жұмыс орнын сақталған. 133 мыңнан астам жаңа жұмыс орны құрылған. 74,6 трлн теңгеге өнім шығарылған. Және де 4,8 трлн теңгеге салықтық төлемдер жүргізілген», – деп мәлім етті ҰЭМ өкілі.
