«Біздің міндетімізге инвестициялар тартумен, индустриялық саясатпен, әлеуметтік саясатпен, денсаулық сақтаумен, білім берумен айналысатын басқа да мемлекеттік органдардың ұсыныстарын үйлестіру де жатады... Бұл министрліктердің барлығы қатысады. Жаңашылдық - аумақтық даму жоспарын әзірлеуге жергілікті атқарушы органдарды – облыс әкімдіктерін белсенді қатыстыру. Сонымен қатар, қаңтар айынан бастап біз өңірлік сарапшылармен орталық деңгейде жұмыс істеп келеміз. Үкімет пен бизнес компаниялардың немесе азаматтық қоғам сарапшыларының бірлескен жұмысы аумақтық дамудың теңдестірілген жоспарын дайындауға көмектеседі деп ойлаймын», - деді спикер.
Өңірлік дамудағы басты проблемалардың бірі облыстар арасындағы бюджеттік қамтамасыз етілудің алшақтығы болып табылады.
«Әр өңірдегі жағдайдың қандай екенін, мемлекет алдына қойып отырған әлеуметтік көрсеткіштердің жетістіктері қалай орындалатынын, тұрақты даму мақсаттарының көрсеткіштері қалай орындалатынын нақты түсінуіміз керек. Екінші жағынан, әр аймақтың өзіндік бәсекелестік артықшылығы бар. Кейбір өңірлер ірі өндірістерді технологиялық жаңғыртуға көбірек дайын, мысалы, Қарағанды, Павлодар облыстарында, Қостанай облысы сияқты кейбір өңірлер аграрлық қайта өңдеуге және ауыл шаруашылығын дамытуға бағдарланған. Қазақстанның оңтүстік өңірлерінде ауыл шаруашылығын, батыс өңірлерде мұнай өңдеуді дамыту көзделген. Бізде де өткен жылдардағы аумақтық даму саясаты бойынша агломерациялар қалыптасуда», - деді бас стратег.
