Кадрлық мәселе де маңызды.
«Денсаулық сақтау ұйымдарында балалар психиатрларының саны 65-тен 97-ге дейін, яғни 49% - ға артты. Денсаулық сақтау министрлігі соңғы екі жылда «психиатрия» бағыты бойынша бюджеттік гранттардың санын көбейтті. 2021 жылы 150-ден астам резидент шығарылады деп күтілуде, олардың 20%-дан астамы балалар психиатриясы саласында жұмыс істеуді жоспарлап отыр. 2019-2020 жылдар аралығында алғашқы медициналық-санитарлық желі мен психикалық денсаулық қызметінің 1592 маманы, ал 2021 жылдың 1-ші тоқсаны кезеңінде аутистік спектрдің аурулары бар балаларды ерте диагностикалау мәселелері бойынша, оның ішінде шетелдік оқытушылардың қатысуымен 112 маман оқытылғанын жеке атап өткім келеді», - деп атап өтті Денсаулық сақтау министрлігінің өкілі.
Сондай-ақ, 2020 жылы 162 маман үшін халықаралық сарапшылардың қатысуымен 4 вебинар өткізілді.
Қазіргі уақытта алтын стандарт болып табылатын диагностиканың заманауи әдістерін енгізу, АСБ бар балаларға жалпы көмек көрсету сапасын арттыру бойынша жұмыстар жүргізілуде.
