«Заңнамаға сәйкес дала өрттерін сөндіру әкімдіктердің құзыретіне кіреді, ал орман өрттерін жою – жергілікті биліктің және Экология министрлігінің табиғатты қорғау мекемелерінің өзара жауапкершілігі аймағына берілген. Ведомствоаралық жоспарға сәйкес профилактикалық сипаттағы іс-шаралар іске асырылуда. Өңіраралық сипаттағы орман – дала өрттерін жоюдың үкіметтік жоспарында көзделген күштер мен құралдар қайта қаралып, шамамен 43 мың адамды қамтыды, 9 мыңнан астам техника бірлігі, су ағызу құрылғылары бар 10 тікұшақ және 46 өрт сөндіру пойыз қамтылды. Министрлік ірі өрттер туындаған жағдайда, жүріп өту мүмкіндігі жоғары және сыйымдылығы үлкен өрт автоцистерналарымен жарақтандырылған табиғи өрттерді 14 тәулікке дейін автономды режимде сөндіруді жүзеге асыруға қабілетті мемлекеттік өртке қарсы қызметтің жиынтық жасақтарын жергілікті жерлерде қосымша құрды», - деді ведомство өкілі.
ТЖМ мәліметінше, жыл сайын елімізде шамамен 4 мың табиғи өрт, 3 500 дала өрті болады. Көбінесе өрттің ауданы 180 мың гектардан асады, залал 200 миллион теңгені құрайды.
