«Пандемия жағдайында экономикалық өсу қарқынының баяулауына қарамастан, Қазақстанда 2020 жылдың қорытындысы бойынша ауыл шаруашылығы өнімдерін өндіру көлемі 5,6%-ға ұлғайды, ал ЕАЭО елдері бойынша орташа алғанда бұл көрсеткіш бар болғаны 2,3%-ды құрады. 2020 жылы АӨК өнімдерінің экспорты 2016 жылмен салыстырғанда 1,5 еседен астам өсті және 2,7 млрд АҚШ долларын құрады. Одаққа мүше мемлекеттерге жеткізу көлемі 5 жылдың ішінде 26%-ға өсті", - деп атап өтті спикер.
5 жылдың ішінде Қазақстан ЕАЭО-ға мүше мемлекеттердің нарығына көкөністер экспортының көлемін 4 есе, жемістер экспортын 2 есе, сүт өнімдерін 2,9 есе ұлғайтты. Әлі де әлеуетіміз бар.
«Қазіргі уақытта аграрлық сектордың дамуына кері әсер ететін бірнеше кедергілер бар. Бұл кедергілердің негізгі көлемі фитосанитариялық және ветеринариялық-санитариялық бақылау, сондай-ақ техникалық реттеу салаларында туындаған. Алдағы жұмыс шеңберінде біз оларды жою жөніндегі жұмысты жандандырамыз, Қазақстанның экспорттық әлеуетін іске асыруды, оның ішінде ЕАЭО-ға мүше мемлекеттердің ірі сауда желілерімен келіссөздер жүргізу және ұзақ мерзімді келісімшарттар жасасу және көтерме-тарату орталықтары жүйесін дамыту, сондай-ақ ғылыми - инновациялық қызмет саласындағы ынтымақтастықты дамытуды жоспарлап отырмыз, - деп түйіндеді АШМ өкілі.
